Қазақстан Республикасы экономикалық қылмысқа және сыбайлас жемқорлыққа қарсы күрес агенттігі

Маңғыстау облысы бойынша департаменті Қарақия ауданы орта мектебінің ММ-нің лауазымды қызметкері аз. Ж-қа ҚР ҚК-нің 307 бабының 1 бөлігімен (қызмет өкілеттігін теріс пайдалану), 314 бабының 2 бөлігімен (қызметтік жалғандық жасау)  қылмыстық істер қозғады, ол өзінің қызмет бабын теріс пайдаланып,  ЖШС-ға артықшылық пен пайда алып беру мақсатында, 2008 жылдың тамыз айында мектепте жөндеу жұмыстары жүргізілмесе де, жұмыстар орындалғаны туралы жалған актілеріне қол қойып, мемлекетке 9 млн. 340 мың. теңгеге залал келтірген

Павлодар облысы бойынша департаменті аз.Г-ға және аз.С-қа қатысты ҚР ҚК 192 бабының 2 бөлігінің «б» тармақшасына сәйкес (жалған кәсіпкерлік) қылмыстық іс қозғады, яғни олар алдын ала сөз байласып, Павлодар облысы Әділет басқармасында 2008-2009 жылдар аралығында жалған ЖШС-ны тіркеп салық төлеуден жалтарып мемлекетке 591 млн. теңге көлемінде зиян келтірген. 

ОҚО бойынша департаменті ЖШС-нің бастығы аз.К-ға қатысты ҚР ҚК-нің 222 бабының 1 бөлігімен (ұйымдарға салынатын салықты төлеуден жалтару) қылмыстық іс қозғады, ол 2006-2009 жылдары, салық декларациясына кіріс туралы көпе-көрінеу жалған мәліметтерді енгізу арқылы мемлекетке 314 млн. теңгеге салық төлеуден жалтарган. 

ОҚО бойынша департаменті Сарығаш аудандық МКК-нің директоры аз.А-қа қатысты ҚР ҚК-нің 176 бабының 3 бөлігінің «б,г» тармақтарымен (сеніп тапсырылған бөтен мүлікті иеленіп алу немесе ысырап ету) қылмыстық іс қозғады, яғни ол өзінің қызмет бабын пайдаланып құрал-жабдықтарды алу жөніндегі жалған құжаттарды қолданып бюджеттен  бөлінген 2 млн.теңгені иемденіп алып, жеке бас пайдасына ысырап еткен.

Алматы облысы бойынша департаменті МРҚМ «Мемлекеттік зейнетақы төлеу орталығының» Талғар аудандық бөлімшесінің бұрынғы бастығы аз.С-ға қатысты ҚР ҚК 307 бабының 1 бөлігімен (қызмет өкілеттігін теріс пайдалану) қылмыстық іс қозғады, ол 2009 жылдың қараша айында, қызметтік бабын асыра пайдаланып, өзіне пайда мен артықшылық алу мақсатында, орталыққа аз.Х-ның атынан жүктілік және босанғаны үшін әлеуметтік төлемдерді алу мақсатында жалған анықтамалар өткізіп, нәтижесінде, соңғыға 630 мын теңге көлемінде жеңілдік бөлініп, мемлекетке көрсетілген сомада зиян келтірген.

Ақмола облысы бойынша департаменті Ақкөл ауданының әділет басқармасының халықты құжаттандыру және тіркеу бойынша маманы аз.А-ға қатысты ҚР ҚК 314 бабының 2 бөлігімен (қызметтік жалғандық жасау) қылмыстық  істер қозғады, 2009 жылы маусым айында анықталмаған азиат ұлтты әйел адамның фото суретін ф-1 өтінішіне желімдеу жолымен нақты фото суреттің аз.Н-ға қатысы жоқ екенін біле тұра жалған мәліметтер енгізген.

Астана қаласы бойынша департаменті «ҰК» «КТЖ» АҚ филиалының лауазымды тұлғаларына және екі «ЖШС» басшылығына қатысты ҚР ҚК 176 бабы 3 бөлігі «б» тармағы бойынша  (сеніп тапсырылған бөтен мүлікті иеленіп алу немесе ысырап ету) қылмыстық іс қозғады, яғни олар 2007 жылдың тамызынан желтоқсанға дейін алдын ала сөз байласып екі «ЖШС» басшылығының лауазымды тұлғаларымен мердігерлердің ГОСТ талаптарына сәйкес емес және салуға жатпайтын жолдың жоғары жақ құрылысына материалдарды ұсынғанын алдын-ала біле отыра, мемлекеттің қаражат құралдарын жымқырып, АҚ-ға 103 млн. теңге көлемінде залал келтірген.

Алматы қаласы бойынша департаменті аз. А-қа қатысты ҚР ҚК 192 бабы 2 бөлігі «б» тармағы бойынша (жалған кәсіпкерлік) қылмыстық іс қозғады, яғни ол 2009 жылы кәсіпкерлікпен айналысу мақсатынсыз, пайда табу мақсатымен «ЖШС» жалған мекеме тіркеп, осы іс-әрекетімен мемлекетке 71 млн. тенгеге ірі мөлшерде залал келтірген.

ОҚО бойынша департаменті аз.Ю-қа қатысты ҚР ҚК-нің 222 бабы 1 бөлігімен (ұйымдарға салынатын салықты төлеуден жалтару) қылмыстық іс қозғады, яғни ол, 2007 жыл мен 2009 жылдар аралығында, ЖШС-ін құрып, салық декларациясына кіріс туралы көпе-көрінеу жалған мәліметтерді енгізу арқылы мемлекеттік бюджетке салық төлеуден жалтарып, мемлекетке 230 млн. теңге көлемінде зиян келтірген

ОҚО бойынша департаменті ЖШС-нің директоры аз.К қатысты ҚР ҚК-нің 222 бабы 1 бөлігімен (ұйымдарға салынатын салықты төлеуден жалтару) қылмыстық іс қозғады, яғни ол, 2008 жылмен 2009 жылдар аралығында  салық декларациясына кіріс туралы көпе-көрінеу жалған мәліметтерді енгізу арқылы мемлекеттік бюджетке салық төлеуден жалтарып, мемлекетке  139 млн.теңгеге көлемінде зиян келтірген.