Құрметті Қайрат Пернешұлы!
Біз «Алтын ұя» қоғамдық бірлестігі және «Алтын ұя» жауапкершілігі шектеулі серіктестіктің жәбірленушілерінің атынан ынталы топ біріншіден сізге жене сіздің қоластыңыздағы қызметкерлерге, атап айқанда Алматы облысы бойынша қаржы полиция департаментінің бастықтарына оның ішінде біз жәбірленуші болып танылған қылмыстық істі тергеген жедел тергеу іздестіру тобының қызметкерлеріне шын ниетімізбен рахметімізді айтқымыз келіп отыр.
Себебі 2006 жылы Исабаев Сакен есімді азамат «Алтын ұя» қоғамдық бірлестігі жене «Алтын ұя» жауапкершілігі шектеулі серіктестігін құрып, осы заңды тұлғалардың атынан арзан бағамен жер телімдерін сатамыз деп 2006- 2008 жылдар аралығында ұйымдасқан қылмыстық топ біз сияқты 200-ден астам адамдарды алдап арзан бағамен жер телімдерін сатамыз деп әр жер телімін сатып алушыны сендіру ушін «Алтын ұя» ҚБ атынан шешім шығарып әр адамнан 4 000 АҚШ долларынан 40 000 АКШ доллары арасында ақша жинап алып біздерді алдап кеткен.
Содан бізге араша болар деп ынталы топ мүшелері Алматы облыстық қаржы полициясына барып арыздарымызды жазып жедел тергеу іздестіру тобын құрып осы болған қылмысты ашып кінәлі азаматтарды заң алдында жауапқа тартуын сұрағанбыз. Біздің сұрауымыз бойынша жедел тергеу іздестіру тобы құрылды, оның құрамына тәжірибелі қызметкерлер - топ жетекшісі Ғ.Қуанышев, жедел іздестіру қызметкерлері Садяев Аскар және Алмасов Ролан. Осы жедел тергеу іздестіру тобының жұмыла істеген жұмыстарының арқасында ұйымдасқан қылмыстық топтың тоғыз мүшесі анықталып олар Қарасай аудандық сотына тапсырылды. Ал осы ұйымдасқан қылмыстық топтың ұйымдастырушысы Исабаев Сакеннің қашып кетуіне байланысты оған катысты іздеу жарияланды.
Сот процессі жургізіліп жатқан кезде бізге қиянат жасаған кінәлі адамдар өздерінің жазасын алуына күмәндана бастадық, себебі сот А.Табынов дені сау Агжігітов Ерғали есімді сотталушыны қорғаушыларының талаптары бойынша сот-психиатриялық сараптама тағайндаган, ол сараптамасының өзі жарты жылдай уакыт алды. Сол кезде біз жәбір шеккен азаматтар кімге барып ақыл сұрап пана таба алмай жүрген кезімізде тергеуші Ғ.Қуанышев бізбен бірге болып «бәрі де жаксы болады, кінәлі адамдар жазасын алады» деп біздің өзі де түсіп жүрген еңсемізді көтеріп жылы сөздер айтып, қайта-қайта сотқа барып үкімнің орындалуына көп көмек жасады, және де Е.Агжігітовтың жынды болып жазасын алудан бұлтартпауына жол бермеді. Аталған тергеушінінің арқасында кінәлі адамдар өздеріне тиесілі жазаларын алды.
Сонымен катар, Ғ.Қуанышев басқарған жедел тергеу іздестіру тобының жұмысын дер кезінде ұйымдастырып, кінәлі адамдардың аттарына біздің ақшаларымызға сатып алынган 67,5 га жер телімін анықтап, кінәлі адамдарды қамауға алып, уақтылы осы жер телімдеріне тоқтам қоймаған жағдайда, біздің ақшаға сатып алынған жер телімдері талан таражға тусіп кетер еді.
Біздің ойымызша егер Ғ, Қуанышев бізбен бірге бірігіп сотта қаралып жатқан қылмыстық іске араласпаған жағдайда қазіргі таңға дейін үкім шықпайтын ба еді?
Аталған қылмыстық іс аяқталып Алматы облыстық қаржы полициясының қызметкерлерінен құрылған жедел тергеу іздестіру тобы таратылды. Алайда Ғ.Қуанышев өзінің басқа міндеттерімен қатар, бізбен бірге сотқа қатысуынан басқа С.Исабаевты іздестіруді де мезет ұмытқан емес. 2010 жылы күз айында С.Исабаев сотталып, ол қамауға алынды. Тергеуші Ғ.Қуанышев оған қатысты қылмыстық істі өзі тергеп аз уақыт аралығында С.Исабаевтың жасаған қылмысын анықтап оны сотқа тапсырды.
Қазіргі таңда, «Алтын ұя» қоғамдық бірлестігі жене «Алтын ұя» жауапкершілігі шектеулі серіктестігінің мүшелері бойынша аудандық соттың үкімі айыпкерлердің және қорғаушыларының шағымдары бойынша Алматы облыстық сотта қаралып, үкім өз күшінде қалды, бұл үкімнің өз күшінде қалуына себепкер атап отырған сіздің қызметкеріңіз, ол бізді әр болатын сот процессі туралы хабарлап, оған қатысуға тарыдай шашылып әр кім әр жерде пәтер жалдап тұрып жатқан жерлерімізден тауып, бізге сот процессіне баруымыз керектігін түсіндіріп, әйтпесе ол одан ары созыла беретінін айтып отырды, біздің жағдайымызды сұрап түсініп үлесін қоспағанда, бұл жағдай да болмас па еді?
Сонымен катар, С.Исабаев өзіне тиесілі жазасын алып 9 жылға бас бостандығынан айырылды, бұл тағайындаған жаза оған аз сияқты, бұндай қылмыскерлерді өмір бойы қамаудан шығармау керек, бірақта біздің айтарымыз ол емес.
Сіз басқарып отырған мекемеге біз тек алғысымызды айтамыз, сіздер атқарып жүрген қиын, жауапты қызметкеріңіз өсіп өне берсін, сіздерге, сіздердің отбастарыңызға тыныштық береке берсін, сіздерге сеніп тапсырған міндеттеріңізді абыроймен атқаруларыңызға тілектеспіз және де абыроймен атқаратындарыңызға сенеміз.
Сонымен қатар бізді алдап кеткен ұйымдасқан қылмыстық топты анықтап бір де бірін қылмыстық жауапкершіліктен жалтарып кетуіне жол бермей, бәріне тиесілі жазасын бергізген сіздердің қызметкерлеріңізге, атап айтқанда Алматы облысы қаржы полиция қызметкерлеріне жедел тергеу тобының мүшелеріне және топ жетекшісі Ғ.Қуанышевқа жедел тергеу тобын ұйымдастырып тергеуді ұзаққа созбай кінәлі адамдарды жазасын алдырғандары үшін және біздің ақшаға сатып алынған жер телімдерін талан таражға салдырмай сақтап қалғаны үшін бар ізгі тілегімізді айтамыз.
Осы аталғанның негізінде Қаржы полициясының құрылған күніне орай сіз өз құзыретіңізбен Алматы облыстық қаржы полициясының басшыларын, аталған жедел тергеу тобының қызметкерлерін марапаттауды өтінеміз.
Ізгі тілекпен ынталы топ мүшелері
«Алтын ұя» қоғамдық бірлестігінің ынталы топ мүшелерінің алғыс хаты
