Қазақстан Республикасы экономикалық қылмысқа және сыбайлас жемқорлыққа қарсы күрес агенттігі

Ағымдағы жылғы 17 мамырда Қазақстан Республикасы Экономикалық қылмысқа және сыбайлас жемқорлыққа қарсы күрес агенттікте (қаржы полициясында) Агенттік ресми өкілі М.Жұманбай БАҚ өкілдеріне «Мұнай және мұнай өнімдерінің заңсыз айналымына қарсы тұру» тақырыбында брифинг өткізді
Мемлекеттің «Көлеңкелі» экономиканың құрамдас бөлігі болып табылатын мұнай және мұнай өнімдерінің заңсыз айналымына қарсы тұру қаржы полициясы органдарының негізгі міндеттерінің бірі болып табылады.
2010 жылдан бастап қаржы полициясы органдары мұнай мен мұнай өнімдерінің заңсыз айналымы саласында 203 қылмыстық іс қозғаған.
Заңсыз айналымнан 10 мыңға жуық тонна мұнай, заңсыз табыс болып табылатын 313 млн.теңге алынды.
Мұнайды «көлеңкелі» нарыққа әкелудің негізгі көзі құбырларға қосылу арқылы мұнайды ұрлау болып табылады.
Қарағанды облысында «КазТрансОйл» АҚ-ның Жезқазған магистралды мұнай құбырларының «Құмкөл-Қарокоин» құбырына қосылу арқылы 5,4 млн.теңгенің мұнайын ұрлағаны үшін мүлкін тәркілеумен 8 жылға бас бостандығынан айыруға Дәулетов, оның сыбайластары Бекмұратов, Абдраманов, Купейсов және Ерманов - әрқайсысы шартты түрде 3 жылға бас бостандығынан айыруға сотталды. 

Қазақстан Республикасы Президентінің 2012 жылғы 27 қаңтардағы «Әлеуметтік экономикалық жаңғырту – Қазақстан дамуының басты бағыты» атты жолдауын орындау мақсатында және 2012 жылғы 8 сәуірдегі Президент жарлығына сәйкес, ағымдағы жылғы 15 мамырда Алматы қаласы бойынша қаржы полиция департамент қызметкерлерін кезектен тыс аттестаттаудан өткізуге дене шынықтыру нормативтеріне дайындық жүргізілді
Аталған дайындыққа Департаменттің бастығы Ә.Т.Аманбаев және жеке құрам қатысты.
Аттестаттауды өткізудің міндеті болып қаржы полициясы органдарының кадрлық құрамын қоғамның талаптарына сай өзінің қызметтік міндеттерін тиімді атқара алатын қызметкерлерден қалыптастыру болып табылады. Аттестаттау бірнеше кезеңде жүзеге асырылатын болады:
1) Аттестаттауды өткізуге дайындық;
2) Қызметкерлердің Қазақстан Республикасының заңнамасын білуін және логикалық ойлау қабілетін тексеру үшін компьютерлік тестілеу;
3) Дене шынықтыру, әскери және қызметтік дайындық бойынша бекітілген нормативтерді тапсыру және психологиялық тұрақтылыққа сұхбаттасу;
4) Комиссияның қызметкермен сұхбаттасуы;
5) Комиссияның шешім қабылдауы.
Жалпы аттестаттауға Алматы қаласы қаржы полициясының 291  қызметкері жатады.
- жоғары аттестаттау комиссиясының аттестаттауына – 4 қызметкер, олардың қатарына департамент бастығы мен оның орынбасарлары жатады.
- орталық аттестаттау комиссиясында – 25 қызметкер. Олар орталық аппарат тағайындауы мен жұмыстан босатуы Агенттік номенклатурасына кіретін Алматы қаласы бойынша қаржы полициясының қызметкерлері.
- аумақтық аттестаттау комиссиясында – Департаменттің 262 қызметкері аттестаттауға жатады.  

Ағымдағы жылғы 11 мамырда Шығыс Қазақстан облысы бойынша Экономикалық қылмысқа және сыбайлас жемқорлыққа қарсы күрес департаментінің (қаржы полициясының) бастығы Б. Камалханұлы облыстың құқық қорғау органдарының басшыларымен бірлесіп «Нұр Отан» Халықтық-демократиялық партиясының («Нұр Отан» ХДП) Тарбағатай аудандық филиалында азаматтарды қабылдау жүргізді
Сыбайлас жемқорлыққа қарсы тұрудағы «Нұр Отан» ХДП-мен ынтымақтастық туралы меморандум шеңберінде ұйымдастырылған қабылдаудың мақсаты сыбайлас жемқорлыққа қарсы дүниетанымды қалыптастыру, мемлекеттік органдардың қызметіне азаматтардың сенім деңгейін және құқықтық сауаттылығын арттыру болып табылады.
Азаматтар қабылдауға түрлі мәселелер бойынша жолығып, оның ішінде құқық қорғау органдары қызметкерлерінің іс-әрекеттеріне арыздар, оралмандарға жәрдемақыны төлемеу, жастарды жұмысқа орналастыру бойынша шағымдар мен өтініштерді білдірді.
Барлық мәселелер бойынша түсініктемелер және толық жауаптар берілді. 

Ағымдағы жылғы 11 мамырда «Нұр Отан» Халықтық-демократиялық партиясының Астана қалалық филиалының (бұдан әрі – ХДП АҚП) кеңсесінде «Нұр Отан» ХДП АҚФ жемқорлықпен күрес бойынша Қоғамдық кеңес төрағасы Р.К. Сарпековтың төрағалығымен «Жаңғырту мен жемқорлық – үйлеспейді!» атты жемқорлыққа қарсы қоғамдық қозғалысы республикалық ақпараттық-насихаттау кампаниясының басталуы туралы баспасөз мәжілісі өтті
Баспасөз мәжілісінің жұмысына Астана қаласы бойынша Экономикалық қылмысқа және сыбайлас жемқорлыққа қарсы күрес департаментінің (бұдан әрі - Департамент) бастығы Е.Т. Балғабаев, «Нұр Отан» ХДП АҚФ партиялық бақылау комиссиясының төрағасы Д.Р.Рахметуллин, Астана қаласы бойынша кәсіподақтар Кеңесі төрағасының орынбасары Б.А. Тажібай, «Қазақстанның азаматтық альянсы» ЗТБ президенті И.З. Катенов., Астана қаласы бойынша Ардагерлер қауымдастығы төрағасының орынбасары Х.Ж. Жармұханов, «Бас редакторлар клубы» ҚБ өкілі Е.Т. Каменов және БАҚ өкілдері қатысты.
Жемқорлықпен күресу және мемлекеттің жемқорлыққа қарсы саясатын түсіндіру мақсатында аталған іс-шара қатысушылары республикалық ақпараттық-насихаттық кампанияның басталғандығын хабарлады. 

Ағымдағы жылғы 7 мамырда Қарағанды облысы бойынша Экономикалық қылмысқа және сыбайлас жемқорлыққа қарсы күрес департаментінде (қаржы полициясында) (бұдан әрі – Департамент) Отан қорғаушылар күніне және Ұлы Отан соғысындағы (бұдан әрі – ҰОС) жеңістің 67 жылдығына арналған салтанатты жиналыс өткізілді
Салтанатты жиында Департамент қызметкерлері Қарағанды облысы бойынша қаржы полициясы органдарының ардагерлерімен бірге ҰОС ардагерлерін, Қарағанды қаласының құрметті азаматтары – 3 «Даңқ» ордендерінің кавалері К.Ж.Дүйсембековті, ордендер мен үкімет марапаттауларының кавалері Н.С. Пастуховты, ҚР ІІМ құрметті ардагері Т.И.Пастухованы құттықтады.      
Мерекелік іс-шара ардагерлерге естелік сыйлықтар ұсынылып, концерттік бағдарламамен жалғасты.